لطريقة عمل الفورمات + تنصيب الوندوز الـ ME او الـ 98 الشرح بالصور إضغط هنا

عدد الرسائل : 112 تاريخ التسجيل : 16/01/2009

شرح بالصور لطريقة عمل الفورمات

المطلوب اولاً : قرص بدء التشغيل . + القرص الخاص في الوندوز

98 او ملينيوم او 2000 او وندوز xp + القرص الخاص بتعاريف الجهاز

ودا شرح لطريقة تجهيز الفلوبي الخاص ببدء التشغيل من الوندوز "الأكس بي "

تروح للقرص المرن او الفلوبي درايف وتعمل كلك يمين زي ما هوا في الصورة

بعد كدا تختار الأمر الخاص بإنشاء قرص بدء تشغيل

وبالنسبة للوندوز الملينيوم او الـ 98

Control Pael & Add-Remove Programs & Startup Disk & Create Disk

او لوحة التحكم وبعد كدا إضافة وإزالة برامج وبعد كدا قرص بدء التشغيل واخيرا
إنشاء القرص

قبل كل دا واهم شي تكون متأكد من جهازك يعني مافيه فيروس عشان راح ينتقل للجهاز
بعد التجزئة طبعا راح يكون الفلوبي ملغم .
بعد ما صار عندنا قرص بدء تشغيل نعمل إعادة تشغيل حق الجهاز

وراح يعمل تشك حق الجهاز ويقراء جميع البيانات لمن ينتهي راح تجيك شاشة نختار
منها الخيار الأول

الأقلاع من السيدي روم زي ما هوا في الصورة

بعد كدا نكتب الأمر format c: للفورمات العادي

او format c: q للفورمات السريع

او format c: u للإعادة الهاردس لبرمجة المصنع .

وراح تجينا شاشة انه راح تروح كل الملعومات نعطيه yes زي ما هوا في الصورة

وبكدا نكون عملنا فورمات حق الجهاز . ودي هيا كل الهرجه .

بعد ما تمت عملية الفورمات بنجاح ننتقل للسيدي روم عشان نبداء عملية الستب او
التحميل الخاصة في الوندوز ولنفرض انه وندوز 98

ولنفرض بأن محرك السيدي روم هو القرص G

ونكتب الأمر التالي : G :win98locsetup.exe

ولو حبيت يكون الوندوز بالغة الإنجليزية تعطيه الأمر G :win98enasetup.exe

بعد كدا تضغط انتر راح تجيك الشاشة الخاصة بالكشف عن الأخطاء اضغط على زر
الهروب Esc

دحين راح نبداء في عملية الستب راح تجيك الشاشة الخاصة بطلب السيريل نمبر الخاص
في الوندوز زي ما هوا في الصورة طبعا تكون مجهز السيريل نمبر في ورقة خارجية

دحين المفروض انه تجيك الشاشة الخاصة بعمل قرص بدء تشغيل

طبعا انت عندك واحد جاهز عشان كدا اضغط كنسل او الغاء .زي ما هوا في الصورة

دحين المفروض تجيك الشاشة الخاصة بإعدادات الوندوز انت تختار التيبكل او
الكستمر والأفضل التيبكل زي ما هوا في الصورة

بعد ما تختار نوع الإعدادات راح تجيك شاشة يطلب منك كتابة اسمك طبعا اكتب اي
اسم. واعطيه نكست . التالي

وراح يبدا في عملية التحميل للوندوز . انت تابعه عشان راح يطلب إعادة تشغيل
الجهاز . ودي هيا كل الهرجه .

لمن ينتهي من التحميل يبقي شي واحد وهوا عملية تعريف بعض الأجهزة مثل كرت
الشاشة والفاكس موديوم .

ودي بسيطة جدا طبعا عن طريق الدسك الخاص بالتعاريف الخاص بجهازك . ودي هيا كل
الهرجه .

والسلام ختام محب الجميع اخوكم ابوهاني .

عدد الرسائل : 6 تاريخ التسجيل : 28/06/2009

< × > شـــــــــرحـــــ / و اااااا في > × <

<<< مــــجـــهــــووووو د أ شـــــــــكــــر كــــــــ >>>

؛؛؛؛ عــــلـــــــــــــــــــــــــــــــــــــــــــــــــــــــي ة ؛؛؛؛

{{{{{{{ يـــــــاااا , جـــــنــــتـــــــــــــــــــــلـــــــــ }}}}}}}

» الشرح بالصور لطريقة حذف فيرس النيو فولدر New Folder بالنوت باد
» الشرح بالصور للدخول على شاشة الدوس MS DOS
» طريقة التحميل من مواقع الرفع المختلفة مثل [ RAPIDSHARE , GIGESHARE ] الشرح بالصور
» طريقة حذف ملفات داخل فولدر بالأمر del و الأمر del/q بالدوس الشرح بالصور و ما الفرق بين الأمرين
» طريقة الأشتراك بهذا المنتدى و الدخول على دردشة المنتدى الشرح بالصور